Equí informámosvos del Programa del Festival:
VIENRES 17 de Diciembre del 2010.
- Exposición Comercial
Va tar abierta de 11.00h a 14.00h y de 17.00h a 21.00h
- Sala de Conferencies
11.00h Juan Menéndez Granados
Nacíu n´Asturies, esti mozu ye un deportista extremu destacáu que ta especializáu en facer espediciones en bicicleta pelos sitios más remotos del planeta.
La so mocedá nun foi pilancu pa sobrevivir pedaliando en solitariu per selvas, cordilleres, tundres, desiertos y zones ártiques de tolos continentes, sacante L´Antártida.
Espedición Baikal (Siberia) – Dirixida a escolinos y escolines
“Travesía en solitariu y en bicicleta del Llagu Baikal sobre les agües xelaes, 19 días de marcha y 730 kilómetros recorríos sin parar en puntos habitaos, siendo la primer espedición que realiza esti proyectu con autonomía total”
12.00h Manuel Calvo. Director del Parque de Las Ubiñas-La Mesa
Nacíu en Madrid nel añu 1964, esti Inxenieru Técnico Forestal ocupa dend´l 2007 el cargu de Director-Conservador del Parque Natural de Las Ubinas-La Mesa.
Dende´l so nomamientu como Director-Conservador del últimu Parque Natural declaráu n´Asturies nel añu 2006, pa la xestión y desarrollu del mesmu, encárgase del seguimientu de les diferentes actuacioes llevaes alantre nesti espaciu natural y de la puesta en marcha de los instrumentos de planificación y xestión (Plan Rector d´Usu y Xestión-PRUG y el Plan de Desarrollu Sostenible-PDS), como tamién de la dotación de les instalaciones y equipamientos d´usu públicu: Oficines del Parque, Centros d´información e interpretación, Rutes senderistes, etc…
La Biodiversidá nel Parque de Las Ubinas-La Mesa
Na so conferencia, Manuel Calvo, va esplicamos el conceptu de biodiversidá pa entrar a detallamos les característiques y diversidá biolóxica del Parque como tamién los riesgos de pérdiga de la mesma y les actuaciones llevadas alantre pa evitar esa pérdifa de la diversidá biolóxica cola prevención d´incendios, la restauración d´habitats d´osu pardu y de faisán cantábricu, la retirada de basura y erradicación de vertederos illegales. Va rematar la so intervención cola proyección d´un videu qu´amuesa la retirada de basura de la Vega del Meicín col helicópteru de Bomberos del Principáu d´Asturies.
13.00h Inauguración del Festival de les Montañes 2010
Animada cola actuación musical del Grupu Carabanzo.
19.00h José Ignacio Leguina. Grupu Bicicletos.
La meyor definición del Grupu Bicicletos ye la que sigue: Cuatro persones salen de Madrid. Siete crucen L´Estruchu. Ocho altraviesen L´Atlas y baxen hasta Senegal. Dellos déxenlo, otros van axuntase. Esta ye la dinámica prevista pal viaxe: un núcleo de persones que van a completar la vuelta al mundu, otro númberu variable que se suma al colectivu pa facer delles fases del viaxe,. Pero tamién, necesariamente, l´apertura a lo imprevisto: a xente cola que coincides temporalmente ensin una cita previa, a otros viaxeros con o sin bicicleta, que llevan el to camín y lo compartes.
La vuelta al mundu de los Bicicletos
La so forma de viaxar es autónoma dafecho, sin coche d´apoyu, y disponiendo del equipu necesariu pa pernoctar, cocinar, pedaliar, botiquín, filtros d´agua, caxa de ferramientes y repuestos. Empezaron siendo cuatro a la salida de Madrid, llegaron a ser nueve en Marruecos, depués tres na carretera austral, dos na ruta de la seda… Compartieron ruta con otros ciclistes, visitáronlos hermanos, amigues y amigos…, y dalguna vez se-yos sumó dalgún “bicicletu” nuevu. Asina ye esto. El grupu medra y mengua a medida que devora kilómetros
20.00h Guillermo Rogel.
Nacíu n´Uvieo nel 1978. Comienza a salir al monte a la edá de 15 años, convirtiéndose d´entos p´acá na so pación. Depués d´unos primeros años d´ascensiones per Picos de Europa, la Cordillera Cantábrica y Pirineos decide dar el saltu a otres escalaes por diferentes partes del mundu: Alpes (Mont Blanc, Dolomitas), Eslovenia, Montes Urales (Siberia), Elbrus, Atlas, Monte Olimpo, Aconcagua, Drakensberg (Sudáfrica), Kilimanjaro, Peninsula de Crimea…
Nel añu 2002, representando a la FEMPA participa nel Programa de Tecnificación de Benasque pa formar parte del Equipu Nacional de Mozos Alpinistes de la FEDME. Ente los años 2003 al 2007 foi Vocal de la Mocedá de la Federación de Montaña y Escalada del Principáu d´Asturies (FEMPA).
Dende hai años, representando a la FEDME (Federación Española de Deportes de Montaña y Escalada), vien formando parte del equipu nacional que participa n´alcuentros Internacionales de monte y escalada organizaos pola Comisión de Mocedá de la UIAA. Magar que yá cumplió más sueños de los que nunca soñó, tovía- y queda dalgún deséu por cumplir: ascender un ochomil.
Kilimajaro: Un sueñu vieyu fecho realidá.
Depués de toda una vida sientiendo histories sobre les nieves perpetues d´esti míticu monte de 5.895 mt., cumal más altu d´Africa y una de les 7 cumes más altes de los continentes, cinco alpinistes mos encaramamos a les sos lladeres buscando dalguna respuesta. En poco menos de 5 díes alcanzamos el cumal dende que salimos d´Uvieo, confirmando el porqué de tantes histories escrites sobre esti monte preciosu pero tamién decatándonos de que a les nieves perpetues del colosu Africanu, quéden-yos mui pocos años de vida.
Los sos compañeros nesta expedición fueron: Eva Rubiano, Toño Álvarez, José Manuel García Quintana y Álvaro Mosquera; dellos, van acompañalu na so conferencia nel Festival.
21.00h Sortéu de Regalos donaos polos espositores del Festival
SÁBADO 18 de Diciembre del 2010.
- Exposición Comercial
Va tar abierta de 11.00h a 14.00h y de 17.00 a 21.00h.
18.00h Voluntarios de L.l.ena, comprometíos cola to seguridá
Presentación oficial de la esposición “Voluntarios L.l.ena, 15 años de serviciu” nel so stand de la feria.
Va a poder contemplase una esposición de semeyes y equipos na que se va recoyer la evolución de medios durante estos 15 años d´actividá de Voluntarios L.l.ena.
- Sala de Conferencies
19.00h Club Camposki. XXV Aniversariu
Mesa redonda: El deporte d’esquí y el XXV aniversariu
La mesa redonda va tar compuesta pol presidente de la Federación de Deportes d’Iviernu del Principáu d’Asturies, Alfonso González, de Ḷḷena; el director técnicu de la Federación de Deportes d’Iviernu del Principáu d’Asturies, Pablo Vallines González, de Ḷḷena; y el presidente del club Camposki, Juan Manuel Cachero García.
Amás, nos díes del festival (n’horarios variaos, de los que se va informar nel stand del club Camposki) va poder disfrutase d’un taller-demostración pa cuidar el material d’esquiar.
20.00h Ramón Portilla.
Nacíu en Madrid el 16 de febrero del 1.958, ye miembru del Grupu Español d´Alta Montaña y profesor de la Escuela d´Alta Montaña.
La so carrera profesional ta enllena de retos interesantes, ente los que destaquen la collaboración per 13 años col Programa de TVE “Al Filo de lo Imposible” col que fizo más de sesenta documentales, la realización d´abondos trabayos de Cámara de Cine n´Altura.
Ramón Portilla Blanco foi distinguíu con tres cruces al méritu militar con distintivu blancu. Por cabu, destacar el crear los viaxes d´aventura “Cacique Orinoco” y realizar dellos trabayos como fotógrafo de monte, naturaleza y aventura.
Les sos abondes espediciones lleváronlu a coronar cumes de cuatro de los cinco continentes, convirtiéndose nel primer español qu´escaló la cume más alta de cada continente.
Histories de Montes Guapos
Ye un paséu pelos cinco continentes en busca dalgunos de los montes más guapos de la tierra, montes dificiles, esbeltos, afilados… (los montes que dibuxaría un nenu o una nena) pero tamién montes con histories apasionantes, los de los pioneros que mos aprendieron el camín.
DOMINGO 19 de Diciembre del 2010
12.00h Desfile a cargu de la Banda de Gaites Güestia.
- Exposición Comercial
Va tar abierta de 11.00h a 14.00h y de 17.00 a 21.00h
- Sala de Conferencies
19.00h Juan Menéndez Granados
Nacíu n´Asturies esti mozu ye un deportista extremu que ta especializáu en facer espediciones en bicicleta pelos sitios más remotos del planeta.
La so mocedá nun foi pilancu pa sobrevivir pedaliando en solitariu per selvas, cordilleres, tundres, desiertos y zones ártiques de tolos continentes, sacante L´Antártida.
Espedición Baikal (Siberia)
“Travesía en solitariu y en bicicleta del Llagu Baikal sobre les agües xelaes, 19 días de marcha y 730 kilómetros recorríos sin parar en puntos habitaos, siendo la primer espedición que realiza esti proyectu con autonomía total”
20.00h Rosa Fernández.
Naz en Cangas del Narcea nel 1960. Pasa la so infancia y primer mocedá nel occidente asturianu, pa treslladase posteriormente a Uvieo, dende onde principia la so carrera deportiva nel alpinismu.
Nel añu 1997 realiza la so primer espedición al Himalaya y esi mesmu añu fai la cume nel del Gasherbrum II (8.035 metros) en Pakistán, convirtiéndose na primer muyer asturiana n´escalar un ochomil.
Col proyectu 7 entama´l retu de coronar les cumes más altes de cada continente, hazaña que llogra acabar en febrero del 2007 convirtiéndose na primer muyer española en conseguilo.
La so carrera profesional foi reconocida con dellos gallardones ente los que destaquen: Premiu Delfos absolutu 2005, Cepa d´Oru 2005 Cangas del Narcea, Accesit Adidas a la meyor fazaña deportiva del MARCA, medalla de bronce de la Real Orden del Mérito deportivu, etc…
Vio cumplíos dalgunos de los sos sueños que l´acompañaron a lo llargo de so vida. Entrena y vive cola convicción de llograr otros munchos.
Muyer cara ca cara col monte “solo pue medise l´altura”
N´esta conferencia Rosa Fernández va averamos al mundu de l´alta montaña: “Cuando´l llabor d´un equipu asúmelu una muyer sola, el retu, los riesgos, los esfuerzos multiplíquense”
Va contamos cómo´l mayor retu ye llegar a la base del monte, en tando ellí yá tas esfrutando de lo que més te presta.
21.00h Sortéu de Regalos donaos polos espositores del Festival
